Делови од Аеродром и Карпош, како и повеќе скопски села утре без струја

Корисниците од населените места Студеничани и Моране од 5:00 до 12:00 часот ќе останат без напојување со електрична енергија. Од 5:00 до 12:00 часот без струја ќе бидат и населените места Орешани, Таор, Ново Село, Пакошево, Гумалево, Тисовица, Смесница, Дејковец, Добрино, вклучително и објектите на ЖТП - Јане Сандански и ЖТП – Зелениково.

Во периодот од 8:00 до 9:00 часот и од 10:00 до 11:00 часот, без електрична енергија ќе бидат и дел од  корисниците од село Крушопек.

Од 8:00 до 14:00 часот без струја ќе бидат дел од корисниците од улиците „Благој Мучето“ и „Архитект Сотир Томовски“ во општина Аеродром, а од 9:00 до 15:00 часот  дел од корисниците од улицата „Ловќенска“ во општина Карпош.

Како што информира Регионалниот центар за управување со кризи на град Скопје, причина за прекинот во снабдувањето со електрична енергија е изведувањето планирани зафати во дистрибутивната мрежа од страна на екипи на ЕВН Македонија АД.