Делегација на Амбасадата на САД во посета на РЕК Осломеј
Делегација на амбасадата на САД во РС Македонија беше во работна посета на РЕК Осломеј, со цел да се запознае со работењето на рударско-енергетскиот комбинат, но и со неговиот статус на прв проект за енергетска трансформација во земјата, кој успешно се спроведува преку неколку етапи, информираат од АД Електрани.
-Заменик-генералниот директор на АД ЕСМ, д-р Имер Зенку, ја запозна економската делегација од Амбасадата на САД со 10-мегаватната фотонапонска електрана Осломеј 1, изградена врз поранешното наоѓалиште за јаглен, како и со локацијата за изградба на втора фотонапонска електрана со ист капацитет, и двете во сопственост на АД ЕСМ, известуваат од АД Електрани.
Делегација ја посетила и локацијата каде се градат две сончеви електрани од по 50 мегавати, како јавно-приватно партнерство меѓу АД ЕСМ и приватни инвеститори од Бугарија и Турција.
-Политичко – економскиот советник во Амбасадата на САД во земјава, Џерек Бас и советникот за економски прашања, Јордан Дамчевски беа запознати со плановите на АД ЕСМ да го зголеми своето портфолио од обновливи извори на енергија и со одлучниот пристап на компанијата во изградбата на електрани за т.н. чиста електрична енергија, од сонце, ветер и вода, соопштуваат од АД Електрани.
Оттаму додаваат дека значајни капацитети на соларни електрани се подготвуваат за изградба во кругот на РЕК Битола, како дел од проектот за енергетска транзиција, кои заедно со електрана на природен гас, согласно усвоената енергетска стратегија на државно ниво, треба да го заменат јагленот во РЕК Битола во следната деценија
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“