Дејвис куп: Македонија експресно до 2-0 против Исланд

Две победи постигнаа македонските тенисери денеска во рамките на Дејвис купот. Предмалку експресно за помалку од два часа Македонија го победи исланд со 2-0. Во првиот сингл меч Димитар Грабул беше поуспешен од Рафн Бонифациус со 2-0 во сетови (6:4 и 6:2 во гемови), Во вториот сингл Томислав Јотовски го совлада Биркир Гунарсон со убедливи 2-0 (6:0 и 6:1 во гемови).

Мечот во двојки нема да решава за конечниот исход на дуелот.

Инаку, Македонија претпладнево во продолжението на мечот во двојки ја победи Малта што беше решавачки поен за 2-1 во мечот. Победата на тој меч ја изборија Грабул и Деари. Во зависност од тоа колку ќе трае мечот меѓу Молдавија и Малта и ако заврши брзо можно е Македонија денеска да го игра и третиот меч против Молдавија.