Децата од домот „11 Октомври‘‘-Скопје се запознаа со брендот Џифони

Директорката на Агенцијата за филм Мими Ѓоргоска Илиевска и извршниот директор и официјален преставник на Giffoni Experince во Македонија Дарко Башески ги запознаа децата од Домот за деца без родители „11 Октомври‘‘ од Скопје со брендот Џифони. 

Како што информира Агенцијата за филм, најмладите проследиле проекција на анимиран филм синхронизиран на македонски јазик.

Џифони Македонија, како што се наведува во соопштението, ќе продолжи со ваквите манифестации наменети за деца и млади од сите категории. Досега оваа активност се одржа на 27 и 28 октомври на Детската клиника во Скопје. Преку проектот „Џифони патува“, следниот период ќе бидат опфатени млади од четири градови низ Република Македонија.