Дебранец од САД донира 50 таблети за ученици од ООУ„Пенестија“ од социјални семејства

Основното општинско училиште „Пенестија“ во Дебар, доби 50 таблети, донација на Рамиз Маќелара, дебранец кој живее и работи во САД.

– Таблетите се наменети за ученици кои се од семејства со потешка социо – економска состојба, како и за ученци во чии семејства има повеќе од еден ученик, а кои не се во можност да обезбедат компјутери за сите. Во нашето училиште настава на македонски и албански јазик следат 980 ученици а според нашата евиденција 120 ученици немаат соодветен апарат преку кој може да ја седат настава онлајн, изјави за МИА, Ајет Мулареџа, директор.

Додава дека ова е многу значајна и добредојдена донација, во време кога наставата, поради пандемијата со Ковид-19 се одвива од далечина и која секако ќе ќе погне многу за успешно одвивање на истата.

-Многу сме благодарни на донаторот, господинот Маќелара, кој искрено ќе ги израдува овие деца. Веќе имаме најава за втора донација на таблети од друг наш исселеник од САД, посочува Мулареџа.

Во училиштето „Пенестија“ настава со физичко присуство следат учениците од прво до трето одделение, додека во подрачното училиште во Џепиште од прво до петто одделене.