Де Мистура: Нова уште полоша војна е алтернативата на мировните преговори за Сирија
Специјалниот пратеник на генералниот секретар на ОН за Сирија, Стафан де Мистура, изрази надеж дека на меѓусириските преговори во Женева можно е да се постигне спогодба во трите круга преговори, пренесе ТАСС.
Тој за оваа чувствитена тема денеска зборуваше на брифинг за медиумите во Женева.
- Постои соодветно разбирање во однос на роковите, во чиј тек се планира постигнување согласност. Ќе се одржат три преговорачки круга, од кои првиот почнува денеска. Се надевам дека во текот на овие три планирани круга резултатот ќе биде постигнување „Акциски план“ за мирно надминување на конфликтот, посочи Де Мистура.
Клучен момент е постигнување согласност за политичка транзиција, рече пратеникот на ОН, посочувајќи го главниот камен на препнување меѓу режимот во Дамаск и опозицијата - проблемот со повлекувањето на претседателот Башар ал Асад пред формирањето на некаков „преоден орган“ во земјата.
Де Мистура призна дека меѓу учесниците во преговорите остануваат значајните разлики.
- Ако не видиме подготвеност за одење напред, тоа прашање повторно ќе биде пренесено на копретседателите на Меѓународната група за поддршка на Сирија, од Русија и САД, а, исто така, и на Советот за безбедност на ОН, забележа тој.
Нема алтернатива на мировните преговори. Единствениот можен „план Б“ е обновување на една голема војна и тоа уште полоша од досегашната, предупреди Де Мистура.
Ново на Сител
-
Почина Дикембе Мутомбо
-
Драма во Скопје: Маж со нож ги одзел децата од мајката во прифатен центар
-
Жена нападната од поранешниот партнер - Ја натепал и нејзината малолетна сестра
-
82-годишен дедо полово вознемирувал тројца малолетници
-
Еден од обвинетите за убиствата на Вања и Панче во тешка здравствена состојба е пренесен во болница
-
Изминатата недела 45 случаи на Ковид-19, починати две лица
-
Индустриското производство намалено за 3,6 отсто
-
Просечната каматна стапка на вкупните кредити 5,44%, а на депозитите 1,96%