Давутоглу: ИД е главен осомничен за нападите во Анкара
Истрагата за двојниот бомбашки напад во Анкара, во кој загинаа најмалку 97 лица, е фокусирана на „Исламска држава“ како можен извршител, изјави денеска турскиот премиер Ахмет Давутоглу.
Во интервју за турската телевизија НТВ, тој рече дека полицијата е близу до идентификација на еден од двајцата бомбаши-самоубијци, одговорни за нападот од пред два дена во Анкара и оти се врши ДНК анализа на остатоците од напаѓачите.
Давутоглу оцени дека нападот претставува обид да се влијае на резултатот од парламентарните избори закажани за 1 ноември и оти ќе бидат преземени неопходните мерки доколку се покаже дека безбедносни пропусти го олесниле изведувањето на нападот.
Во интервјуто, Давутоглу уште потенцираше дека е подготвен да разговара со Русија и Иран за изнаоѓање политичко решение во Сирија, но нема да го прифати ставот со кој ќе се легитимира сирискиот режим Тој смета дека руските воздушни напади против Идлиб и Алепо во Сирија можат да предизвикаат понатамошен бран на бегалци во Турција.
Во меѓувреме е соопштено дека германскиот канцелар Ангела Меркел в недела ќе ја посети Турција, каде со Давутоглу и претседателот Реџеп Таип Ердоган ќе разговара за војната во Сирија, бегалската криза и за заедничката борба против тероризмот по крвавиот напад во Анкара.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект