Данска ги отвора културниот и забавниот сектор од ковид ограничувањата
По еден месец затвореност, во Данска денеска повторно се отворени културните институции, зоолошките градини и забавните паркови, како дел од мерките за ублажување на последиците од пандемијата, и покрај тоа што се уште има голем број новозаразени лица.
Од денеска повторно се отворени музеите, зоолошките градини, забавните паркови, кината, театрите и концертните сали, за првпат по четири недели ограничувања на капацитетот.
За да пристапат до повеќето места, посетителите ќе мора да носат маска и да покажат сертификат што докажува дека се вакцинирани, неодамна закрепнати или негативни на тестот за Ковид-19.
Ноќните клубови, меѓутоа, и натаму остануваат затворени, барем до крајот на месецот.
Данска, земја со шест милиони жители, неодамна забележа повеќе од 20.000 нови случаи на ден.
Надлежните од јавното здравство посочуваат дека ова е веројатно врвот на бранот, а бројот на хоспитализирани е стабилен и покрај растот на заразените. Во данските болници во просек се хоспитализирани меѓу 700 и 800 луѓе со Ковид-19.
Ново на Сител
-
Британски војници оштетиле инвентар во кафуле во Неготино
-
Извршена канонизација на преподобниот игумен Јоаким Крчовски
-
Петков заминува во посета на Ватикан и Италија
-
Арсовски: Покачувањето на просечната плата е вештачко, стандардот на граѓаните е уништен
-
Каевски: Ребалансот на Буџетот обезбедува заштеди од 200 милиони евра и повисоки плати и пензии
-
Со „фолксфаген артеон“ удрил во 78-годишен велосипедист
-
Малолетник заврши во болница откако бил удрен од „мерцедес“
-
Бектеши: Предвидени 15 милиони денари за ваучери за одмор на вработени со ниски примања