Дамјан Стојановски уште една сезона во МЗТ Скопје

Македонскиот кошаркарски репрезентативец Дамјан Стојановски и во следната сезона ќе го носи дресот на македонскиот шампион МЗТ Скопје Аеродром. Подолго време двете страни преговараа околу продолжување на соработката.

- Македонскиот репрезентативец Дамјан Стојановски потпиша нов договор со тимот на МЗТ Скопје Аеродром, кој ќе важи во натпреварувачката сезона 2015-2016. Поради здобиената повреда во текот на минатата сезона, Дамјан Стојановски одигра само девет натпревари во дресот на македонскиот шампион. Во петте настапи од АБА лигата тој имаше просек од 11 поени 2 скока и 1.6 асистенции, додека во домашниот кошаркарски шампионат на четири средби оствари просечен учинок од 10.8 поени, 3.5 скока и 3.3 асистенции. По завршувањето на неговите обврски со националниот тим ќе се приклучи на подготовките на МЗТ Скопје .

Претхпдно македонскиот шампион ја продолжи соработката репрезентативецот Марко Симоновски.