Дамаск: Изрелски воздушни и ракетни напади врз сириска територија

Сириската армија соопшти дека Вооружените сили на Израел денеска извршиле воздушни и ракетни напади врз територијата на Сирија.

Во соопштението се наведува дека израелски ловци во текот на ноќта бомбардирале воени позиции во реонот на Курајфа во близината на Дамаск, на што возвратила сириската противвоздушна одбрана, соборувајќи еден од авионите.  

По ова, според Дамаск, од Израел кон Сирија биле истрелани ракети земја-земја, кои биле пресретнати од сириската противвоздушна одбрна.

На крајот израелски ловци истрелале четири ракети кон Сирија, при што противвоздушната одбрана уранала една од нив, додека останатите три погодиле цели на сириска територија предизвикувајќи материјални штети.

Израелската армија од своја страна одби да ги коментира ваквите тврдења на Вооружените сили на Сирија.