Дамаск бара американските војници да ја напуштат Сирија
Американското воено присуство во Сирија е незаконско и неприфатливо, бидејќи не е одобрено од страна на властите во Дамаск, поради што САД треба да ги повлечат своите војници од земјата, изјави сирискиот заменик-министер за надворешни работи Фејсал Мекдад во интервју за телевизијата „Ал Мајадин“.
- САД треба да ги повлечат своите војници или во спротивно сириската армија ќе ги смета за непријателска сила, нагласи Мекдад.
Според него, нема никакви оправдувања за воените акции на САД и меѓународната коалиција во Сирија, бидејќи тие со своите воздушни напади „ја разурнуваат земјата, убиваат цивили и ја уриваат економската инфраструктура“.
- Тоа е во согласност со плановите на терористите, но не е во интерес на сирискиот нарор, потенцира Мекдад, додавајќи дека сите кои сакаат да се борат против терористичките групи треба да ги координираат своите акции со Сирија и нејзините сојузници.
Според сириски извори, САД имаат три свои воени база на територијата на североисточната сириска провинција Хасака, како и уште една во реонот на Кобане, во кои се стационирани околку 1.500 американски војници.
Американските сили претставуваат поддршка за арапско-курдската коалиција Сириски демократски сили, кои спроведуваат офанзива за потиснување на исламистичката група Исламска држава (ИД) од градот Рака.
Во саботата борци на Сириските демократски сили започнаа офанзива и кон градот Дејр ал Зур, каде водат борби со џихадистите во источните предградија.
Ново на Сител
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.
-
Гордана Сиљановска Давкова го доби Уверението од ДИК за претседател на државата
-
ЦУК: На 112 изминатото деноноќие 1951 повик, меѓу кои и за спасување жена падната покрај пат
-
САД испраќаат нов пакет воена помош за Украина вреден 400 милиони долари