ЦУК: Активни осум пожари, 12 изгаснати, еден ставен под контрола
До 18:30 часот евидентиран е вкупно 21 пожар, од кои осум се уште се активни. Изгаснати се 12 пожари, а еден е ставен под контрола, соопшти Центарот за управување со кризи (ЦУК).
Активни се пожарите во дојранско Николиќ, во велешките села Џидимирци и Крушје, во виничкото село Ласки, во село Локвица на територија на општина Македонски Брод. Активни пожари има и во гостиварското село Чегране и општина Куманово - Липково, над село Умин Дол кон село Никуштак. Од скопскиот регион, активни пожари има во општина Чучер-Сандево, на средина на село Горњани кон село Блаце, кон магистрала и во општина Шуто Оризари, на улица „Индира Ганди“.
Под контрола е ставен пожарот во општина Македонски Брод, меѓу селата Црешнево, Крапа, Слатина и Девич.
Изгаснати се 12 пожари, меѓу кои пожарот во близина на село Горњани - општина Чучер Сандево, во близина на стадионот на Гостивар, во ресенското село Перово, во општина Куманово, во кругот на фабриката на ФЗЦ и во месноста викана Пармакови ниви. Изгаснати се и пожарите во општина Старо Нагоричане, кај селата Пелинце и Милутинци, општина Крива Паланка, кај село Градец, во месноста викана Ѓошинска мала.
Два пожара се изгаснати во Охрид, кај селото Оровник и кај населбата Далјан. Во Прилепско се изгаснати пожарот покрај патот од хотел „Салида“ кон Битола и пожарот меѓу селата Лажани и Ропотово.
Ново на Сител
-
Тргна коњаницата кон Крушево
-
Тема на денот со Марјан Калевски, Зелен Хуман Град
-
Претседателката на Антикорупциска поднесе оставка
-
Пратениците во вторник ќе расправаат за интерпелацијата на државниот обвинител Коцевски
-
Втор ден потрага по 16-годишно девојче кое вчера ја повлекоа водите на Вардар кај Уланци, Градско
-
Активни 6 пожари
-
Топлотниот бран ги „вжешти“ телефоните во Скопската брза помош
-
Расте бројот на нови партии пред изборите, без измени на Изборниот законик нема независни кандидати