Жителите на градот Чељабинск, на планината Урал во Русија, протестираа денеска поради индустриското загадување и смогот кој прекрива поголем дел од градот веќе две недели.
Слабиот ветер придонесе облакот од смог, кој локалните жители го нарекуваа „црно небо“ да се задржи над градот од 1,2 милиони жители, пренесува АП.
Метеоролошката служба во Чељабинск соопшти дека загадувањето ги надмина дозволените вредности пред облакот со смог над градот да се расчисти.
Во неделата, на температура кој достигна и до минус 20 степени Целзиусови, околу 700 луѓе од овој град протестираа барајќи чист воздух.
Тие носеа транспаренти со порака „Престанете да ги труете нашите деца“ и „Сакаме чисто небо“, пренесува агенцијата.
Овој протест се надоврзува на претходниот, во кој демонстраните на сила се обидуваа да влезат во канцеларијата на градоначалникот.
