Црна Гора подготвува исклучителни безбедносни мерки за посетата на Мајк Пенс на Подгорица
Црногорските власти во текот на последните денови подготвуваат исклучителни безбедносни мерки за посетата на американскиот потпретседател Мајк Пенс, на 2 август, соопшти црногорскиот весник „Побједа“.
Американски претставници веќе извршиле инспекција на аеродромот во Подгорица, каде ќе слета авионот со американскиот потпретседател и неговата делегација. Американците на домаќините им објасниле каков е протоколот за посетата на вториот човек на САД.
Пенс е највисоко позициониран американски политичар, кој ја посетува Црна Гора. Тоа ќе биде негова прва посета на регионот.
Во Подгорица потпретседателот на САД ќе се сретне со претставници на земјите членки и набљудувачи на Јадранската повелба, што беше основана во 2003 година под покровителството на САД, а со цел да се координираат активностите за поддршка на земјите кандидати за членство во НАТО.
Првично во јадранската повелба членуваа Албанија, Македонија и Хрватска, а во 2008 година кон нив се приклучија Црна Гора и Босна и Херцеговина, додека Србија и Словенија го добија статусот на наблљудувачи.
Ново на Сител
-
ЦУК: Од вкупно 22 пожари на отворен простор се уште активни се пет
-
Во Еквадор запленети три тони кокаин, кои и припаѓале на албанската мафија
-
Зголемена фреквенција на возила на ГП „Табановце“, за влез и излез од државата се чека околу 40 минути
-
Тошковски: Постапуваме за дивоградбите, имаме наредба од ЈО, резултати наскоро ќе бидат видливи
-
Обвинителството поднело жалба за мерката куќен притвор за 25-годишниот возач на мотоцикл што прегази маж на Кеј и избега
-
Бајач oд скопско наплатил 400.000 евра на брачен пар за да растури „зла магија“ направена на нивниот син | ФОТО
-
Националната мрежа на земјоделци смета дека откупната цена на лебното зрно од 12 денари е ниска
-
ЦУК: Осум пожари на отворен простор, четири се активни