„CLARIS“ - нов бренд на модната креаторка Кокев
На синоќешната ревија во МНТ модната дизајнерка Тања Кокев освен своите најнови креации откри дека отсега ќе твори под брендот „CLARIS“ наместо досегашниот „Кокев“.
- Се одлучив за промена затоа што ми требаше нова енергија, нов почеток, нова приказна од која ќе се инспирирам за да творам. Claris има француско потекло и значи нешто чисто и јасно, како што се чувствувам јас во моментов, во кој точно знам што сакам да постигнам. Но значи и блесок, а модата е неретко причина да се чувствувате како да блескате на некој начин. Тоа ми влијаеше и на колекцијата која ја претставив во саботата, и со која го означив заживувањето на Claris, која се надевам ќе ги направи тие што ќе ги носат креациите да се чувствуваат како ѕвезди кои блеснуваат. И најважното на крај – се одлучив за Claris заради сличноста на името со мојата ќерка, Клара, мојата апсолутна сила и инспирација за се во животот, па и за креирањето... вели Тања Кокев.
Колекцијата на Тања Кокев, сега веќе под брендот „CLARIS“ откри интересни комбинации на органза, чипки, бисери, траки и карнери во една богата.
Посетителите на оваа „couture“ ревија ја почувствуваа новата енергија преточена во 30 нови креации, претставена во едно несекојдневно опкружување, специфично за режисерот Дејан Пројковски.
Ново на Сител
-
Еден загинат и 29 повредени во земјотресот во Турција
-
Сончево и многу топло време цела седмица
-
Силен земјотрес регистриран во западниот дел од Турција
-
Нетанјаху: Целта на Израел не е да ја окупира Газа, туку да ја ослободи од Хамас
-
Четири пациенти со тешки повреди примени на хируршките клиники во Скопје, по вооружена пресметка во Тетово
-
Вeнс: Се одредува датумот на средбата меѓу Путин и Зеленски за завршување на војната
-
Едно лице е убиено во напад со автоматска пушка во Тетово
-
Началникот од Демир Хисар ќе биде разрешен