Ципрас во Варна на средба со Борисов, Тудосе и Вучиќ
Грчкиот премиер Алексис Ципрас денеска во Варна ќе учествува на самит заедно со премиерите на Бугарија и Романија, Бојко Борисов и Михај Тудосе и српскиот претседател Александар Вучиќ.
Денешната средба е продолжение на трилатералниот самит на Грција, Србија и Бугарија, кој беше одржан во Солун во првата половина на јули, на иницијатива на грчката Влада и премиерот Ципрас.
Четворицата лидери ќе разговараат за случувањата во Западен Балкан, за безбедноста и зајакнување на стабилноста, како и за европската перспектива на регионот. Прашањето за европската перспектива на Западен Балкан е особено важно и динамично во пресрет на бугарското претседателство со Советот на ЕУ во првата половина на 2018 година, соопштија извори од кабинетот на Ципрас.
Грција, како постара земја-членка на ЕУ и известувач за „Солунската агенда“ од самитот во 2003 година, понуди да придонесе со искуство во подготовка на претседателството на Бугарија со ЕУ.
На состанокот во Варна, исто така, ќе се разговара и за соработката на Грција, Србија, Бугарија и Романија во областа на економијата, транспортот и енергијата.
Самитот во Варна е дел од поширока вклученост на грчката дипломатија на Балканот, во многу критичен период за Југоисточна Европа, во кој Атина промовира иницијативи за регионална соработка.
На ниво на министри за надворешни работи веќе постојат два формата на соработка а тоа се меѓу Грција, Бугарија, Албанија и Македонија и меѓу Грција, Бугарија, Романија и Хрватска, како балкански земји-членки на ЕУ.
Ново на Сител
-
ДЗР: Вештачката интелигенција е глобален приоритет, но сè уште нема законска рамка, национална стратегија, ниту институционална координација за нејзина примена
-
Активни пожари на грчките острови Закинтос и Кефалонија, како и во западниот дел на земјата
-
Орбан одби да го потпише писмото на ЕУ до Трамп: Доволно лошо е што Унијата е тргната настрана, полошо е да даваме инструкции од клупа
-
Гвардиола „тргнува“ по нов играч
-
Силекс со „петарда“ до првите три бодови
-
Нетанјаху е јасен - не сака преговори за делумен прекин на огнот
-
Франција погодена од топлински бран со „историски интензитет“
-
Фицо: Западот ја искористи Украина во обидот да ја ослаби Русија