Ципрас презентираше втор пакет предлог економски мерки „Остануваме исправени 2“
Денешната слика во реалната економија, кога би можел да ја опишам во три реченици, би била следната: Бизнисите не можат. Владата не сака. Вработените не издржуваат, рече лидерот на грчката опозициска партија СИРИЗА Алексис Ципрас, презентирајќи го пакетот економски мерки во висина од 13.4 милијарди евра за следните четири месеци во рамките на програмата „Остануваме исправени 2“, јави дописничката на МИА од Атина.
Исто како и во првата верзија, објасни Ципрас, главната оска на програмата е поддршка на работата, а не поддршка на суспензијата на работата и меѓу другото, вклучува намалување на ДДВ-то во угостителството на шест отсто, воведување „приход за вонреден случај“, намалување на исплаќањето на даноците од бизнисите, програма за поддршка на домашниот туризам насочена кон три милиони граѓани, помош за бизнисите поделени во три категории, оние кои остануваат затворени, оние кои се отворени, но со голема загуба и оние кои први отворија, како и зајакнување на здравствениот систем.
-Нашата програма што ја презентираме, не е предлог за опозициска критика. Туку е реален, пресметан, веднаш остварлив и апсолутно неопходен план, базиран на посотечките можности на грчката економија. План што ние ѝ предлагаме на Владата да го усвои. План што треба да се спроведе денес, за утре да се избегне најлошото, рече лидерот на СИРИЗА и додаде дека народот „треба да остане исправен, како што остана исправен во пандемијата“.
Ципрас коментираше дека рецесијата за оваа година, „со одговорност на владата ќе биде многу поголема, веројатно најголема во еврозоната“.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници