Ципрас: Ни се заканува „историско дежа ви“
Фашизмот и нацизмот се нехумани идеологии, но, се моќни, бидејќи се потпираат на инстинкти, а во услови на војна, инстинктот за преживување се зајакнува, порача на маргините на Мировниот форум во Париз грчкиот премиер Алексис Ципрас.
-Ултрадесничарите и националистите имаат свој план, кој е јасен и безвременски. Да се подели општеството, да се цели кон одредена група луѓе, да се негува стравот и да се повика на национална гордост, која важи само за избраните, изјави грчкиот премиер, истакнувајќи дека се соочуваме со „историско дежа ви“.
Ципрас додаде дека по војната меѓу поразените преовладувал инстинктот за одмазда и оти токму тоа го искористиле тогашните демагози.
Тој истакна оти денес треба да се направи споредба и да се бори за Европа и покрај разликите, бидејќи „историјата не може да чека и кога се повторува, да биде многу сурова кон нас“.
-Европа е повторно изградена по две светски војни, заснована на социјална правда, заштита на работниците, еднаквост на половите, унапредување на инфраструктурата, како и мир и соработка меѓу народите, додаде тој.
Ново на Сител
-
Повторно доцни сеидбата на ориз во атарите на селата на Општина Чешиново-Облешево
-
Светски ден на семејниот лекар
-
Преглед на вестите од светот
-
Тема на денот со Александар Даштевски, претседател на ДИК
-
БРАКО претстави ново електрично возило за чистење
-
ДИК потврди - Во среда ќе се прегласува на 7 избирачки места
-
ДУИ со предупредувања од Мала Речица
-
Мицотакис со нови закани кон идната Македонска Влада