Ципрас: Бегалската криза е знак за подлабоки проблеми во Европа

Неуспехот на Европа да се справи со бегалскиот бран е симптом за подлабока криза на континентот, што ги заборавил основните вредности, изјави синоќа Алексис Ципрас на предизборен митинг во Атина.

- Кога Средоземно Море се претвори во гробишта, а Егејско Море исфрла мртви деца на своите брегови, самиот концепт за обединета Европа е во криза, како и европската култура, изјави Ципрас, кој се бори за втор премиерски мандат на изборите во Грција утре.

Според него бегалците треба да се запрашаат во која Европа ќе завршат, дали тоа ќе биде Европа, каде пекар од грчкиот остров Кос дели леб на бегалците или Европа на унгарскиот премиер, кој гради огради и дели куршуми не бегалците.

Ако обединета Европа само ги почитува правилата на дисциплина и остава секоја земја сама да се справи со една голема криза, тоа не е Европа за која сонувале нејзините основачи, ниту може да има иднина, истакна Ципрас.