Ципрас бара предвремени избори во Грција
Во општо невреме нашата држава се брани на најдобар можен начин, со мерки за скапата енергија и поскапувањата на цените, но и со пакетот за поддршка од околу 13 милијарди евра, рече грчкиот премиер Кирјакос Мицотакис од Парламентот одговарајќи на пратеничкото прашање за енергетската криза и последиците, поставено од лидерот на СИРИЗА Алексис Ципрас, кој упати критики до власта дека голем дел од поскапувањата, не се должат на меѓународната ситуација и војната во Украина, туку на владината политика, јави дописничката на МИА од Атина.
Ципрас истакна дека Мицотакис прикажува „речиси идилична слика за земјата, која нема никаква врска со секојдневието на сè поголем дел од општеството“, посочи дека за сите проблеми грчкиот премиер има изговори и секогаш некој друг е виновен, споменувајќи дека според Мицотакис, за кризата виновна е војната, за пандемијата, виновни се тие што го шират вирусот, за пожарите е времето, за прислушувањата, виновен е поранешниот генерален секретар во Владата.
Паралелно го повика грчкиот премиер да распише избори „за да земе воздух земјата“.
– Политичката промена и една прогресивна Влада сега веќе е егзистенцијално прашање за мнозинството од општеството. За влада која се грижи за општеството, а не за интересите. За да се запре профитерството, да се намалат индиректните даноци, ДДВ-то за основните продукти и специјалниот данок на гориво, порача Ципрас. Грчкиот премиер одговори дека конкретните предлози на лидерот на СИРИЗА за намалување на даноците би чинеле повеќе од пет милијарди евра, „пари едноставно не постојат“, а истакна дека за покачувањето на цените, единствениот виновник е Русија.
– Поскапувањата, глобалните поскапувања и грчките поскапувања имаат име и тоа е изнудувачка употреба на горивата, пред сè природниот гас од Русија, како асиметрично оружје против Европа. Бидејќи, како што Русија со своите топови ги крева во воздух границите и безбедноста на континентот, така и со природниот гас притиска за да го поткопа просперитетот на европските граѓани, рече Мицотакис.
Тој потсети дека Владата преку програмите за покривање на дел од покачувањата на цените, им вратила 300 милиони евра на граѓаните, додека пак од оданочувањето на зголемените приходи на компаниите за производство на електрична енергија, за три месеци државата добила 2,7 милијарди евра.
Ново на Сител
-
Дамјан Митев: Хановер е тежок ривал, но нема да се откажеме
-
Шешко во новата сезона во дресот на Манчестер Јунајтед
-
Со дуелот Струга - Охрид ќе стартува 53.то издание на ракометниот турнир Струга 2025
-
Николоски: Новата авиолинија Скопје - Келн значи многу за развојот на туризмот, економијата и бизнисот
-
Одбележување за Карпалак во прилепската касарна: Да не се заборави и никогаш да не се повтори
-
ДЗС: 352 лица ја завршија обуката за пожарникари, утре ќе потпишат договори за работа
-
ЕУ: Бројот на камиони со помош за Газа се зголемува, но се уште е под договореното ниво
-
Нетанјаху: Израел нема намера трајно да го окупира Појасот Газа