Чудо од ајкула – таа може да живее и до 400 години

Научниците неодамна открија кој вид на животно од ‘рбетниците живее најдолго во светот. Тоа е суштеството кое може да живее и до 400 години, што е скоро двојно повеќе од животниот век на најстарите желки или китови во светот.

Се работи за гренландската ајкула, која го носи латинското име “Somniosus microcephalus”.

Иако гренландските ајкули не се новооткриен вид, нивниот неверојатно долг животен век беше откриен дури неодамна, од страна на Џулиус Нилсен, морски биолог од Универзитетот во Копенхаген, Данска.

Тој и неговиот тим на научници откриле дека овие мистериозни ајкули не ја доживуваат својата зрелост се до 150-та година.

Овој вид на ајкули се познати по тоа што пливаат многу споро, а се ендемичен вид за ладните води на северот на Атлантскиот и Арктичкиот океан. Тие можат да пораснат до пет метри должина.