Човечки фактор причина за дефектот на водоводната мрежа во Делчево
Во Делчево во тек е преземање мерки за отстранување на дефектот на главната водоводна линија кај река Габровчица, дефект поради кој делчевчани од вчера попладне се без вода за пиење. Според директорот на претпријатието Стојче Стојковски, причина за дефектот е човечки фактор.
-Дефектот кај река Габровчица според она што може да се види на лице место е предизвикан од човечки фактор. На самото место се гледа дека со бетонски блок (намерно или не) е скршена доводната цевка ФИ-200, која е ,,откриена” поради промена на речното корито од страна на физичко лице, вели Стојковски.
Тој информираше дека отстранувањето на дефектот е при крај и дека за кратко време ќе биде нормализирано водоснабдувањето во градот.
-Екипи на комуналното претпријатие работат уште од рано утрово, бидејки во текот на ноќта поради водата во речното корито не можеше да се работи. Нашите очекувања се дека до пладне дефектот ќе биде отстранет, со што делчевчани повторно ќе имаат вода за пиење, додаде Стојковски.
Со цел избегнување на казни, од претпријатието апелираа во иднина да не се вршат активности кои ќе влијаат на промена во речните корита, а со тоа ќе предизвикаат штети од несогледливи размери по водоводната мрежа.
Популарно од Македонија
Ново на Сител
-
Македонското знаме се крена над Њујорк
-
Перница врз лицето и удари по главата: 28-годишна жена се обидела да ја убие бабата на сопругот
-
Две лица од Радовиш произведувале и продавале мраз со бактерии, запленети 850 килограми
-
13-годишник нападнат од родител на негов соученик во Аеродром, заврши во болница
-
Ужас во Тетово: 62-годишник силувал дете кое не наполнило 15 години
-
Македонија со три светски шампиони: Калин и Томи освоија злато, вкупно пет медали од СП во кикбокс
-
Во Њујорк одбележана 35-годишнината од независноста
-
Андоновски: Нов Центар за услуги за граѓаните на Кочани, се олеснува пристапот до услугите на институциите
