Човечки фактор причина за дефектот на водоводната мрежа во Делчево
Во Делчево во тек е преземање мерки за отстранување на дефектот на главната водоводна линија кај река Габровчица, дефект поради кој делчевчани од вчера попладне се без вода за пиење. Според директорот на претпријатието Стојче Стојковски, причина за дефектот е човечки фактор.
-Дефектот кај река Габровчица според она што може да се види на лице место е предизвикан од човечки фактор. На самото место се гледа дека со бетонски блок (намерно или не) е скршена доводната цевка ФИ-200, која е ,,откриена” поради промена на речното корито од страна на физичко лице, вели Стојковски.
Тој информираше дека отстранувањето на дефектот е при крај и дека за кратко време ќе биде нормализирано водоснабдувањето во градот.
-Екипи на комуналното претпријатие работат уште од рано утрово, бидејки во текот на ноќта поради водата во речното корито не можеше да се работи. Нашите очекувања се дека до пладне дефектот ќе биде отстранет, со што делчевчани повторно ќе имаат вода за пиење, додаде Стојковски.
Со цел избегнување на казни, од претпријатието апелираа во иднина да не се вршат активности кои ќе влијаат на промена во речните корита, а со тоа ќе предизвикаат штети од несогледливи размери по водоводната мрежа.
Популарно од Македонија
Ново на Сител
-
18-годишник и малолетник силувале две малолетни сестри и ги снимале со телефон во Тетово
-
За 6 часа 429 казни за возачи на мотори, 267 не носеле кацига, 83 возеле без возачка
-
Кривична за бизнисменка од Кавадарци, затаила данок од над 800.000 евра
-
Приведен 45-годишен маж од Радовиш, предизвикал пожар
-
Излетале од патот по што се запалил автомобилот, во тешка сообраќајка загина Диого Жота и неговиот помлад брат
-
Израелската армија употребила бомба од 230 килограми во нападот врз кафуле во Газа
-
Одбиено обвинението против кумановскиот градоначалник, обвинителството се откажа од обвинението
-
Диди виновен за спроведување проституција, ослободен од најсериозните обвиненија
