Член на Судскиот совет бара да биде разрешен од функцијата

Владе Богданоски, член на Судски совет бара да му престане мандатот заклучно со крајот на овој месец. Во барањето испратено до Собранието, Богданоски наведува:

-Барам да ми престане мандатот на член на Судскиот совет, заклучно со 31 мај 2021 година, поради лични причини, пишува во барањето на Богданоски испратено до Претседателот на Собранието. 

Документот во законодавниот дом бил доставен на 20 април. Престанокот на мандатот ќе треба да го констатира Собранието на пленарна седница која неофицијално треба да се одржи на средината од месецов.

Богданоски за член на Судски совет беше избран во 2016-та година.

Зоран Јаневски