Четврти Меѓународен натпревар по англиски јазик „HIPPO“

Четириесеттина ученици од повеќе држави од регионот учествуваа на четвртиот Меѓународен натпревар по англиски јазик „HIPPO“ што во организација на асоцијацијата „Global Input & Global Hippo“  викендов се одржа во охридското село Лескоец.

На натпреварот учествуваа ученици на возраст меѓу 10 и 19 години од Македонија, Босна и Херцеговина, Бугарија, Хрватска, Италија, Црна Гора, Србија и Словенија, при што беа тестирани за три јазични вештини – читање, слушање и пишување.

Учениците кои ќе се пласираат во финале имаат можност да продолжат со натпреварувањата што ќе се одржат на 14 мај во италијанското летувалиште Лидо ди Јесоло.

Натпреварот го организираа и технички го подготвија наставниците по англиски јазик при ОУ „Ванчо Николески“ од Лескоец, а на сите учесници им беа доделени и меѓународни сертификати за познавање англиски јазик.

„Global HIPPO“ е доброволно и непрофитно здружение кое преку организирање на вакви натпревари ја подигнува јазичната свест и значењето на изучувањето на странските јазици.