Четиринаесет мигранти од ТЦ „Винојуг“ не добија азил

Комисијата од полициската станица во Гевгелија, која е задолжена за одлучување по барања за азил, ги одбила барањата за азил во Република Македонија кои биле поднесени од 14 бегалци сместени во привремениот транзитен центар „Винојуг“.

По извесно време, Комисијата утврдила дека барателите не ги исполнуваат условите за добивање азил во нашата земја, поради што одлучила да ги одбие нивните барања и да ги врати бегалците назад во кампот.

Според податоците на регионалниот ЦУК во Гевгелија во кампот престојуваат 133 бегалци кои останаа по затворањето на „Балканската рута“.