Четири лица повредени, меѓу кои и 8-годишно дете откако „бмв“ излетало од патот во близина на Липково

На 26.10.2025 околу 11:25 часот во СВР Куманово е пријавено дека на регионалниот пат с.Липково-с.Арачиново, во атар на с.Ропаљце, општина Липково, патничко возило „бмв“ со швајцарски национални ознаки, управувано од Д.С.(29) од Скопје, излетало надвор од коловозот.

Во несреќата со тешки телесни повреди се здобил возачот, додека со телесни повреди се здобиле неговите сопатници Н.С.(37), Х.С.(35) и осумгодишен малолетник, констатирани во Општата болница Куманово.

Извршен е увид од увидна екипа од СВР Куманово.