Четири деца настрадаа во пожар во трговски центар во град во Сибир

Во трговскиот центар во сибирскиот град Кемеровo денеска изби пожар, во кој загинаа четири деца, а неколку лица се повредени.

- Телата на четири деца се пронајдени во зградата на трговскиот центар во пламен, изјави неименуван извор од Службата за вонредни ситуации за руската агенција ТАСС.

Локалните медиуми наведуваат дека пожарот избувнал на четвртиот кат, каде се наоѓаат кината и детскиот забавен центар. Според истиот неименуван извор, пожарникарите спасиле 10 лица, додека уште 50 успеале да излезат од трговскиот центар.

Станува збор за трговскиот центар „Зимнаја вишња“, кој се наоѓа во една од главните градски улици, во близина на железничката станица.