Чакаровски и Шерифовски ќе ги бранат боите на Македонија на ЕП во џудо

Македонија ќе настапи со двајца џудисти на Европското џудо првенство во Софија, Бугарија, кое почнува на 29 април и ќе трае до 1 мај.

Боите на Македонија ќе ги бранат Андреј Чакаровски (-90 кг) и Еди Шерифовски (81 кг).

На Европското првенство ќе настапат 362 натпреварувачи, 207 во машка конкуренција и 155 во женска, од 40 држави.

Нашата делегацијата ќе ја предводат претседателот на ЏФМ, Владимир Трпаноски и селекторот Горан Мицкоски. Нашите спортисти ќе настапат во сабота 30.04. и недела 01.05.

Покрај настапот на спортистите претседстелот на ЏФМ Трпаноски на покана на претседстелот на Европската џудо унија Ото Кнеитингер, ќе остварат работен состанок во врска со стратешко планирање за развој на џудото во  Македонија, како и организација на некое од големите европски натпревари во нашата земја.