Чакарески: Вината е на теренот, но и Тунис беше подобро подготвен од нас

- Тешко е да се обратиш за нешто што сите го чекавме како најголем успех во историја на македонски ракомет, за на крајот да заврши со резултатски неуспех. РФМ целиот план за подготовки и патување максимално го поддржа и овозможи најдобри услови, воедно беа обезбедени и премии за евентуален пласман на ОИ. Вкупно заеднички тренинзи целата репрезентација одржа само три. Проблемите кои се јавија беше СЕХА-турнирот, што се одржа во Вараждин, што придонесе да останеме без тројца клучни играчи, Стоилов, Манасков и Веле Маркоски. Имавме преголем ентузијазам и самодоверба, никој не веруваше дека такво нешто ќе ни се случи. Проблемот што се јави беше исклучиво на терен. Лесно е да си генерал по загубена битка, се јавија многу генерали по поразот од Тунис, кој беше болен за сите нас. Се бараше вина насекаде, но по мене вината беше кај играчите на терен и кај стручниот штаб, бидејќи Тунис беше многу подобро подготвен од нас. Обезбедивме снимка од последната контрола Тунис на мечот со Гумерсбах изгледаше наивно, го предупредив селекторот Обрван дека можеби станува збор за тактичко „залажување“, но сметам дека и тоа не беше увидено.