Цел град на диета

Жителите на шпанскиот град Нарон си задале тешка задача- до 2020 година да ослабат 100 тона. Програмата за слабеење ја направил локалниот лекар а исхраната и физичката активност е направена различно, во зависност од личноста. Шунката и пржените лигњи им се исфрлени од мени на сите жители.

– Луѓето во 21 век заборавија дека се создадени за одење – вели лекарот Карлос Пинеиро.

Нарон има 40.000 жители од кои 12.000 се дебели. На проектот за слабеење му се приклучиле 4.000 жители, што значи 10 проценти од вкупното население во градот. Во центарот на градот поставена е вага.