Царовска: За децата од социјалните центри ќе се грижиме секој ден

Министерката за труд и социјална политика Мила Царовска ја помина новогодишната ноќ заедно со дечињата од социјалните центри во Скопје. 

Таа ги посети социјалните центри каде на децата згрижени во овие институции им подели симболични подароци и им посака се најубаво во Новата 2018 година.

- Нова Година е време кога се дружиме со најблиските, но и време да се сетиме на оние кои се често заборавени од општеството. Оваа Нова Година решив да посетам ококу 130 дечиња од домовите во Скопје. Мојата порака е дека за нив ќе се грижиме секој ден од годината, не само овој. Голема благодарност до мојот колега и другар Војо, кој со своите животинки ни ја разубави вечерта и квалитетно ни го исполни времето со нови егзотични информации, напиша министерката Царовска на својот Фејсбук профил.