Бутел со пет нови играчи во составот за новата сезона

Македонскиот претставник во ЕХФ Европскиот куп тимот на Бутел ги почна подготовките за новата сезона. Тренерот Горан Кузманоски на располагање ќе има 23 ракометари, а петмина се нови играчи. Тоа се: трите кадетски репрезентативци - Петар Николоски, близнаците Архангел и Атанасиј Трсунови, како и искусниот голман Благојче Трајкоски и левиот бек од Грузија, Давид Гришикашвили.

Тимот на Бутел подготовките ги стартуваше во Скопје, а првиот пријателски натпревар ќе го игра на 9.август во Пехчево против Вардар.

Од средината на следниот месец „бутелчани“ ќе одиграат и натпревари на два турнира: во Струга (13-16 август) и во Прилеп (21-24 август).

МИА