Бушати: Дијалогот меѓу Белград и Приштина треба да продолжи

Албанскиот министер за надворешни работи Дитмир Бушати смета дека дијалогот меѓу Белград и Приштина е своевидна платформа за нормализирање на односите и затоа треба да продолжи.

Тој затоа се залага за преиспитување на досега направеното, со цел во иднина дијалогот да има повеќе резултати, пишува приштинскиот весник „Коха“.

Зборувајќи за идејата за размена на северниот дел од Косово за јужниот централен дел на Србија, Бушати истакна дека „тие идеи не се нови, ниту оригинални“ и повремено се појавуваат, посебно во кризни времиња.

- Албанија го почитува принципот на територијален суверенитет согласно меѓународните норми и закони, нагласи шефот на албанската дипломатија.