Бунтовниците нападнаа неколку позиции на сириската армија во Хама
Бунтовнички групи нападнаа денеска неколку позиции на сириската армија во провинцијата Хама.
Според командантот на бунтовниците тоа е најмоќниот напад во регионот по стапувањето во сила на спогодбата за прекин на огнот, пред две недели.
Противречни се информациите за исходот од нападот и за тоа кој точно го изршил.
Сирискиот центар за мониторинг на човековите права соопшти дека нападот бил неуспешен и оти најмалку 20 од напаѓачите, исламисти и странски борци се убиени.
Командантот на Северната дивизија, која дејствува во рамки на Слободната сириска армија, Фарес ал Бајуш, изјави дека нападот бил дело на локални групации како одговор на кршењето на примирјето од страна на режимот на Башар ал Асад и оти две позиции на армијата се преземени.
Сириската државна телевизија јави дека нападот бил извршен од Фронтот Ал Нусра, кој е поврзан со Ал Каеда и кој е исклучен од спогодбата за прекин на огнот. Според телевизијата, нападот бил спречен и 70 борци се убиени.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО