Бундесверот обучува кучиња да препознаваат коронавирус
Германската армија почна со обука на службени кучиња за откривање на инфекција со коронавирусот.
Бундесверот и Фондацијата на ветеринарната висока школа (TiHo) од Хановер во моментов ја тестираат можноста кучиња да бидат обучени за откривање на коронавирусот.
Во проектот се користат германски овчар, Кокер шпаниел и ретривери.
Се поаѓа од тоа дека кучињата можат, врз основа на молекуларен состав на некој мирис, да препознаат не само експлозиви, или дроги, туку и разни заболувања како карцином и дијабетес.
Врз основа на тоа, создаден е проект за откривање на коронавирусот од страна на службени кучиња.
– Со квота од околу 80 проценти, научниците во Улмен моментно се на најдобар пат успешно да го продолжат овој проект, соопшти воената школа за обука на кучиња.
Кучињата во моментов се обучуваат на тестови со плунка од заразени лица, на кои вирусот хемиски е направен безопасен.
По успешното заклучување на таа прва фаза, следната фаза е тестирање на откривање на активен коронавирус во човечка плунка.
– Тоа мора да се спроведе под други услови, затоа што мора да бидеме сигурни никој да не се зарази со високозаразните тестови, изјави шефот на проектот, Паула Јендрни.
Ново на Сител
-
Денеска е Преподобен Наум Охридски – Чудотворец, исцелител и просветител на македонскиот народ
-
Генералните директори на ФЗО ќе информираат за постигнатите резултати во изминатата година
-
Зеленски: Преговорите меѓу Киев и Вашингтон за воена помош од САД продолжуваат
-
Сончево и топло со температури до 39 степени
-
Околу 9.000 вработени во „Мајкрософт“ ќе добијат отказ
-
Со сателетски снимки ги лоциравме дивите депонии во државата | Мартина и Mирко | Sitel Podcast 101
-
Пожарот во Валандовско не е ставен под контрола, се шири во два крака
-
Нетанјаху повика на целосно елиминирање на Хамас, организацијата разгледува предлог за примирје