Бухари: Нигериската војска ја зазеде Самбиса, енклава на Боко Харам

Нигериската армија зазеде камп на Боко Харам во Самбиса, последна енклава на исламистичката Боко Харам, изјави денеска претседателот на НИгерија Мухамаду Бухари.

– Како што ми кажа шефот на воениот персонал, кампот на Боко Харам е заземен во петок на 22 декември. Терористите се протерани, а веќе и нема каде да се скријат, изјави Бухари.

Според него, заземањето на кампот означува „конечен пораз на терористите од Боко Харам во нивната последна енклава“.

Исламистите од Боко Харам убија 15.000 луѓе  и примораа повеќе од два милиона луѓе да ги напуштат домовите за време на 7-годишниот бунт со цел формирање исламска држава со шеријатско право во најмногубројната нација на североисток во Африка.