Бугарскиот Парламент ќе избира нова влада
Бугарското Народно собрание денеска ќе гласа за избор на новата Влада на Бугарија, предводена од мандатарот и лидер на конзервативната партија Граѓани за европски развој на Бугарија (ГЕРБ), Бојко Борисов.
Како што јави БТА, пред гласањето на пратениците, Борисов претпладнево на претседателот на Бугарија, Румен Радев ќе му го достави својот предлог за состав на неговиот нов кабинет.
Прес-службата на Кабинетот на шефот на бугарската држава вчера соопшти дека по добивањето на предлогот од Борисов, Радев ќе ги исполни своите уставни обврски и на Народното собрание веднаш ќе му предложи да ја избере предложената влада.
Во соопштението се додава и дека Радев ќе присуствува на собраниската седница на која ќе бидат избрани премиерот и членовите на неговата влада.
Веднаш по изборот, членовите на новата, трета влада на Борисов ќе положат свечена заклетва пред пратениците.
ГЕРБ на Борисов постигна договор за формирање владина колаиција со националистичкиот блок Обединети патриоти (ОП).
Ново на Сител
-
Де Вевер: Нема причина за славење поради трговскиот договор ЕУ-САД
-
Во Стокхолм ќе се одржи нов круг разговори меѓу САД и Кина за трговскиот спор околу царините
-
Стармер ќе разговара со Трамп за прекин на огнот во Газа и тарифите за британскиот челик
-
Италија победник на Лигата на нации во одбојка за жени
-
Отпечаток од рака стар 4.000 години пронајден на египетски глинен сад
-
Северна Кореја ја одбива понудата за дијалог со Јужна Кореја
-
Тројца загинати, десетици повредени во вчерашната железничка несреќа во југозападна Германија
-
Предупредување до сопствениците на „Андроид“ за апликациите што преземаат чувствителни податоци