Бугарската влада на вонредна седница го одобри ребалансот на буџетот
На вонредна седница на бугарската влада денеска е донесена одлука за зголемување на пензиите во просек за 64 лева (32 евра) од 1 октомври, а нивниот просечен износ ќе достигне 550 лева (275 евра), јави дописникот на МИА од Софија.
Ова е предвидено со измените на Законот за буџет за социјално осигурување, одобрени од привремената влада на Бугарија.
Според проценките на даночните администрации, годишните приходи во државниот буџет на Бугарија ќе бидат повисоки од проценетите за околу 1,3 милијарди лева (750 милиони евра). За да се обезбедат тековните антикризни мерки и да се покрие недостигот на средства во некои буџетски области, проценките за 2021 година обезбедуваат ресурс од 1,2 милијарди лева (600 милиони евра), распределени во резервата за непредвидени и итни трошоци. Буџетскиот дефицит на Бугарија се очекува да биде 4,4 отсто од проектираниот БДП.
Поради продолжувањето на вонредната епидемиска состојбата и очекувањето нов бран на пандемија наесен, поврзан со брзото ширење на Делта сојот, се зголемуваат и средствата за здравствена заштита.
Измените во Законот за буџетот на Фондот за здравствено осигурување предвидуваат речиси 135 милиони лева (74,5 милиони евра) зголемување на приходите. Толку се зголемуваат и трошоците.
Според премиерот Стефан Јанев, ажурирањето на Буџетот е знак за одговорно однесување кон државните финансии, иако треба да го направи влада поддржана од Парламентот.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден