Бугарската партија „Има таков народ“ го врати мандатот за состав на Влада

Антоанета Стефанова, предложена за премиер од втората политичка сила во 45. Национално собрание на Бугарија, придружувана од заменик-претседателот на „Има таков народ” Тошко Јорданов, го прифати и го врати веднаш мандатот за формирање влада, јави дописникот на МИА од Софија.

По враќањето на мандатот, претставниците на „Има таков народ” нагласија дека нема услови тие да ја формираат новата влада на Бугарија.

Според Уставот, претседателот на таа држава треба да врачи трет мандат на партија што тој ќе ја избере од Парламентот.

Ако и тоа не биде реализирано, претседателот со декрет го распушта Парламентот и определува датум за предвремени парламентарни избори и формира привремена влада за да управува со Бугарија во следниот период.