Бугарија со иницијатива за намалување на цените на роамингот во Западен Балкан
Бугарија подготвува меморандум, што ќе го потпише со државите од Западен Балкан за укинување на таксите за роамингот, изјави бугарскиот министер за сообраќај Ивајло Московски.
Тој додаде дека потпишувањето на ваквите меѓувладини договори претставува израз на политичката волја на Бугарија да испрати јасна порака дека интеграцијата на Западен Балкан е исклучително важна за цела ЕУ.
- Мислам дека тоа ќе ги поттикне мобилните оператори да потпишат договори за реално намалување на цените за разговор во роаминг и за користење интернет, истакна Московски.
Договорот со земјите од Западен Балкан се очекува да биде потпишан до крајот на месецот, а меѓусебните договори на Телеком операторите до крајот на годината.
Московски истакна дека минута разговор од Бугарија кон Македонија, БиХ или Србија сега чини меѓу три и 3,5 евра.
- Тоа се монструозни цени, констатира бугарскиот министер.
За време на конференцијата „Логистички хоризонти 2025“, Московски ги истакна приоритетите на неговиот ресор за време на Претседателството на Бугарија на Советот на ЕУ.
- Наша основна задача ќе биде зајакнување на ангажманот за присоединување на Западен Балкан кон ЕУ, изјави синоќа бугарскиот министер за сообраќај и информатичка технологија.
Тој истакна дека поврзаноста на Западен Балкан е исклучително важно и во таа насока и завршувањето на Коридорот осум за поврзување на Софија со Скопје.
- Сообраќајната инфраструктура ќе даде перспектива за развој не само на Балканот, туку и на целата Европска унија, истакна Московски.
Ново на Сител
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати
-
Европскиот фронт најави тужби до Управниот суд и кривични пријави за членовите на ДИК
-
Без средба, само консултации за идното владино коалицирање
-
Следната недела СДСМ ја почнува постапката за избор на ново раководство
-
МЗ како портпарол на Токсикологија со обвинувања за Нико Беќаровски - професорот негира и најави тужба
-
Македонија 2025: Дијаспората сака да помогне, власта нема слух