Бројот на новозаразени во Австралија прв пат во последните пет дена под 100.000
Дневниот број на заразени со Ковид-19 во Австралија денеска опадна под 100.000, првпат во последните пет дена, а официјалните лица веруваат дека бранот од омикрон сојот се приближува до својот врв во Нов Јужен Велс, најтешко погодената земја на континетот.
Австралиските власти во изминатите 24 часа регистрираа вкупно 85.824 случаи на инфекција, што е значителен пад од рекордните повеќе од 150.000 во четвртокот, по што бројот на новозаразени почна да се намалува.
Здравствените власти вчера соопштија дека симулациите покажале дека Австралија се приближува кон врвот на бранот, предупредувајќи дека бројот на случаи ќе остане висок во „следните неколку недели”.
Австралија претходно со строги карантини го ограничуваше ширењето на вирусот, а сега бележи рекордни бројки и има најголем број заразени во светот на дневна основа.
Годинава се регистрирани повеќе од 1,3 милиони случаи, додека во 2020 и 2021 година имаше вкупно 200.000 случаи.
Австралија почна да ги олеснува мерките кон крајот на минатата година, откако беше постигната стапка на вакцинација од 70-80 отсто.
Во Австралија, повеќе од 92 отсто од населението на возраст над 16 години имаат примено најмалку две дози од вакцината против коронавирус.
Вкупниот број на заразени во Австралија од почетокот на пандемијата неделава надмина 1,5 милиона, додека досега од болест предизвикана од заразата умреа 2.673 лица.
Ново на Сител
-
Малолетник заврши во болница откако бил удрен од „мерцедес“
-
Бектеши: Предвидени 15 милиони денари за ваучери за одмор на вработени со ниски примања
-
ССМ: Во ребалансот не гледаме пари за зголемување од 2806 денари, итна средба со Владата
-
Пороен дожд и грмежи денеска и утре попладне
-
Ковачки: Бараме одговори за средбата на Талат Џафери со лица блиски до режимот во Кремљ
-
Бајден: Мајмунските сипаници се причина за загриженост
-
Сомнителен случај на мајмунски сипаници во Грција
-
Полиција влезе во скопски дискотеки: Пронајдена дрога и уапсени 12 лица