Бројот на новозаразени со Ковид-19 во Албанија и понатаму во опаѓање
Во Албанија и понатаму опаѓа бројот на новозаразени со коронавирус, а се зголемува бројот на излекуваните.
Во последното деноноќие новодијагностицирани се само седум случаи, со што вкупната бројка на заразени изнесува 416 лица. Во исто време излекувани се 17, со што вкупната бројка се зголеми на 182 лица.
-Во последните 24 часа извршени се 162 тестирања, при што само седум од нив се со позитивен резултат. До сега тестирани се вкупно 3.385 сомнителни случаи, а Ковид-19 е дијагностициран кај 416 од нив.
– Излекувани се вкупно 182, додека за жал битката со коронавирусот ја изгубија 23 лица, изјави Марјета Дервиши од Институтот за јавно здравје. Таа додаде дека тројца од новозаразените се од Тирана додека четворица од Скадар.
Според неа, во Инфективната клиника се наоѓаат 50 пациенти, од нив шестмина се на интензивна нега, додека еден пациент е интубиран. Во болницата „Шефќет Ндроќи“ хоспитализирани се шест пациенти, од нив четворица се интубирани.
Ново на Сител
-
Попладнево избувна голем пожар кај валандовско Грчиште, изгорени неколку штали
-
Трамп за Маск: Можеби ќе го депортирам, можеби ќе му го пуштам „DOGE“
-
Германија финансира дронови за Украина
-
Зеленски одликува 226 украински војници
-
ЕК демантира дека Фон Дер Лајен имала „долг“ разговор со Вучиќ
-
Србија заостанува зад другите кандидати за членство во ЕУ, тврди данската министерка за надворешни работи
-
Муртезани: Реформите и заедничкиот пазар се наш компас кон стабилност, единство и иднина
-
Повредени две лица во сообраќајка во Куманово