Брод западнал во неволја крај островот Паксос во Јонско Море

Грчката крајбрежна стража добила аларм за помош, што бил испратен од брод со 30 патници, што западнал во неволја, во реонот на Парга и островот Паксос, во Јонско Море, информираа локалните медиуми. 

Шефот на пристанишните власти во Крф за агенцијата АНА-МПА изјави дека еден од патниците им телефонирал и им објаснил дека бродот не може да се управува и дека патниците имаат потреба од помош.

Во реонот веднаш биле испратени бродови и чамци за да укажат помош.

Се претпоставува дека бродот останал без гориво.