Британското разузнавање негира дека го прислушувало Трамп
Британската разузнавачка агенција ги отфрли обвинувањата од САД дека била ангажирана за „озвучување“ и прислушување на заградата „Трамп Тауер“ во Њујорк, во која беше сместен изборниот штабот на американскиот претседател Доналд Трамп, оценувајќи ги таквите тврдења како „целосно бесмислени“.
Претходно, коментатор на американската телевизија Фокс, која важи за блиска до Трамп, ги обвни Британците дека ја извршувале задачата на прислушување за поранешната Администрација на американскиот претседател Барак Обама. Според истото тврдење, британска агенција била ангажирана затоа што Обама не можел да им се нареди такво нешто на некоја од американските служби како Агенцијата за национална бебзедноста (НСА), Централната разузнавачка агенција (ЦИА) или Федералното истражно биро (ФБИ).
Подоцна, со вакво обвинување од Вашингтон се огласи и Белата куќа, која преку портпаролот Шон Спејсер го повтори тврдењето на новинарот на Фокс, одново не нудејќи никаков доказ.
Реакцијата на Белата куќа дојде откако истрагата на сенатскиот Комитет за разузнавање заклучи дека се невистините тврдењата дека биле прислушувани разговорите во штабот на Трамп, пред да биде избран за американски претседател.
Според Спејсер, домашните разузнавачки и безбедносни агенции не можеле да бидат вклучени, па затоа била побарана помош од Британците и нивниот главен прислушен центар.
Британските медиуми велат дека агенцијата „не може да поверува дека вакви обвинувања“ се упатени на нивна сметка и тврдењата на Фокс и на Белата куќа ги оценуваат како „глупост и обично ѓубре“, кое требе да се игнорира.
Ова е првпат некој од Белата куќа во Вашингтон за шпионирање да ја обвини британската агенција.
Во интервју во средата, откако конгресната истрага ги отфрли тврдењата за прислушување, претседателот Доналд Трамп навести дека „многу скоро“ ќе даде докази за своите обвинувања.
Во оваа прилика, Трамп повеќе не зборуваше за „озвучување и прислушување“, туку за „следење и надгледување“ на неговите активности.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп