Британските пратеници против можноста за суспензија на Парламентот
Британските пратеници денеска со мнозинство гласови ги поддржаа предлозите со кои на следниот премиер ќе му се отежне донесувањето одлуки за излез на Британија без договор со ЕУ со суспендирање на Парламентот, што повторно ја покажа нивната одлучност да го запрат излезот на Британија од ЕУ без договор.
Фаворитот во трката за нов лидер на Конзервативната партија и иден премиер на Обединетото кралство, Борис Џонсон претходно изјави дека Британија мора да ја напушти Европската унија до 31 октомври со или без договор. Тој одби да исклучи суспензија или распуштање на Парламентот за да ги спречи пратениците да усвојат закон кој би го блокирал неговиот план за излез на Британија доколку тоа биде без договор со ЕУ.
Велика Британија требаше да ја напушти ЕУ на 29 март 2019 година, но британскиот Парламент три пати го тргна настрана проектот за спогодбата за Брегзит, што Тереза Меј го постигна за време на преговорите со европските лидери.
На крајот ЕУ се согласи да го одложи датумот за Брегзит првично за април-мај, а потоа и за 31 октомври 2019 година.
Премиерката во заминување Тереза Меј е разочарана што министрите денеска не гласале со неа, соопшти нејзината канцеларија.
Премиерката е очигледно разочарана затоа што многу министри денеска попладне не гласаа, стои во соопштението, во кое се додава дека нејзиниот наследник без сомнеж тоа ѓе го земе предвид кога ќе формира Влада.
Ново на Сител
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат
-
Казнет и протеран од Косово брачен пар од Русија кој беше уапсен поради нелегален влез од Србија