Британскиот министер за труд и пензии Стивен Краб прв се пријави за наследник на Камерон
Британскиот министер за труд и пензии Стивен Краб ја соопшти својата немера да се кандидира за лидер на Конзервативната партија и, адекватно на тоа, за нов британски премиер, на местото на Дејвид Камерон, пренесоа британските медиуми, цитирајќи го сајтот Политико.
Камерон минатата недела соопшти дека ќе се повлече откако Британците во четвртокот ги игнорираа неговите повици на референдумот да гласаат за останување на земјата во ЕУ.
Краб е првиот претендент за наследник на функцијата на Камерон, кој јавно ја соопштува својата кандидатура.
Поранешниот градоначалник на Лондон, Борис Џонсон, најпознатата фигура во кампањата за Брегзит, засега е фаворит на обложувалниците за местото на Камерон. Друг кандидат со сериозни шанси е министерката за внатрешни работи Тереза Меј.
Поднесувањето на кандидатури треба да заврши на 30 јуни, а името на новиот шеф на конзервативците треба да се објави до 2 септември, наведува ТАСС.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево