Британија останува со воената мисија во Авганистан и во 2016 година

Велика Британија ќе го продолжи за една година своето воено присуство во Авганистан поради потешкотиите за авганистанските вооружени сили, изјави министерот за одбрана Мајкл Фалон.

Тој наведува дека авганистанските сили за одбрана и безбедност во изминатата година имаат напредок во извршувањето на професионалните задачи.

– Британската Влада признава дека е потребно време за да може авганистанската армија да се претвори во целосно воено-способна сила и да ја гарантира безбедноста на луѓето во Авганистан, се вели во писмено обраќање на Фалон до парламентот.

– Имаме став дека треба да ја поддржиме сегашната британска воена мисија во Авганистан и во 2016 година за да помогнеме во изградбата на стабилност и безбедност. Бројноста и улогата на британската воена мисија остануваат непроменети, пишува Фалон во обраќањето.