Бразилскиот претседател Лула е подготвен да посредува меѓу Русија и Украина, нема да испраќа тенковска муниција во Киев
Претседателот на Бразил, Лула да Силва, изјави дека е подготвен да посредува меѓу претседателите на Русија и Украина, Владимир Путин и Володимир Зеленски, доколку е потребно.
– Ако можам да помогнам, ќе помогнам. Ако е неопходно да бидам посредник во мировните преговори меѓу Путин и Зеленски, нема проблем, рече Лула на заедничката прес-конференција со германскиот канцелар Олаф Шолц.
Претседателот на Бразил рече дека е неопходно „да се соберат луѓе кои поради нивното влијание ќе бидат почитувани на преговарачката маса и да се вклучат“ во преговарачкиот процес.
Лула да Силва предложи мировните преговори за Украина да се одржат во широк меѓународен формат кој потсетува на групата Г20.
Бразилскиот претседател рече дека за овој предлог веќе разговарал со германскиот канцелар Олаф Шолц и францускиот претседател Емануел Макрон.
Тој информира дека овој предлог ќе го спомене и кога ќе се сретне со американскиот претседател Џозеф Бајден во февруари и со кинескиот претседател Си Џинпинг во март.
Во исто време, тој рече дека Бразил нема да испорачува муниција за борбените тенкови Леопард што Германија неодамна и ги вети на Украина.
Лула рече дека Бразил, исто така, нема да обезбеди муниција за тенковите Гепард за воздушна одбрана што Берлин веќе ги испрати во Украина.
– Бразил не е заинтересиран да прати муниција што ќе се користи во војната меѓу Украина и Русија, рече Лула на заедничката прес-конференција со Шолц.
– Бразил е земја на мирот. И затоа Бразил не сака никакво учество во оваа војна, ниту индиректно, рече бразилскиот претседател.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО