Божикна литургија во Делчево
Во црквата „Успение на Пресвета Богородица“ во Делчево рано изутрината се држа света божествена литургија по повод Христовото раѓање – Божик. Со поздравот „Христос се роди“ протоереј Атанас Поповски, упатувајки богопослание за мир и благослов пред верниците истакна дека Божик е матица на сите други христијански празници, бидејќи со Христовото раѓање се смета и почетокот на новата ера.
-Со рождеството на Витлеемскиот богомладенец се објави неповторлива радост за светлина, светлината на разумот и се благослови вистината дека Бог од љубов се роди како човек и како богочовек. Во Синот Божји го видовме образот на совршениот човек и преку него ни се откри смислата на постоењето на човекот и светлината. Токму поради ова наша должност е во секој човек да гледаме со Христовите очи, да покажуваме љубов, да бидеме страдални, да се молиме да помагаме, да ги благословуваме дури и оние што се однесуваат непријателски, но и да се радуваме со Господа и не само во збор да се именуваме како христијани, туку да го покажеме тоа и со нашите дела, истакна Поповски.
На богослужбата присуствуваа голем број на верници кои се помолија за свое здравје и здравје на своите најблиски.
Синоќа пред Божик, во кругот на семејствата во Делчевско се служеше Бадникова вечера на која се кршеше лепче со паричка. На оние на кои им се падна паричката се верува дека ќе бидат среќни во текот на целата година. Божиќните служби, како што најавија од црквата „Успение на Пресвета Богородица“, ќе продолжат во текот на наредните два дена.
Ново на Сител
-
Мачките благотворни за човековото здравје
-
Милорад Додик осуден на една година затвор
-
ДКСК: 86 казни за актуелни и поранешни министри, пратеници и именувани лица
-
Филипче: Владата да каже за што се потрошени парите од унгарскиот кредит
-
Делегација од Кисела Вода предводена од градоначалникот Ѓорѓиевски положи цвеќе на гробот на Борис Трајковски
-
Мицкоски: Точно се определени начините како можат да се трошат средствата обезбедени преку кредитната линија од Унгарија
-
Има закон и ќе одговараат пред него, им порача Мицкоски на супер маркетите кои картелски се здружуваат
-
Дожд и повремен снег во наредните денови